النادي الاهلي يرسل درع الدوري العام الى الزمالك مع عامل نظافة ! - تفانيش النادي الاهلي يرسل درع الدوري العام الى الزمالك مع عامل نظافة ! - تفانيش

728x90 AdSpace

أخر الأخبار

الجمعة، 31 يوليو، 2015

النادي الاهلي يرسل درع الدوري العام الى الزمالك مع عامل نظافة !

عامل نظافة ينقل درع الدوري الى الزمالك من الاهلي
النادي الاهلي يرسل درع الدوري للزمالك مع عامل نظافة

في الاونة الاخيرة إنتشرت صورة ، إن النادي الأهلي حب يسلم درع الدوري لنادي الزمالك ، وعشان يعمل معاه حركة إهانة ، راح باعت "عامل نضافة" يوصل الدرع للزمالك ، عشان تبقي طريقة مُهينة وبيعلم عليهم وبيعمل عليهم حفلة وكدة ... وطبعاً الأهلاوية عجبهم الموضوع وياخبر أبيض وجامدة جداً ، والزملكاوية شتموا الأهلي وقالوا إن تلاقيكم عشان محروقين إنكم خسرتوا الدوري وهكذا ... والموضوع في الآخر طلع إشاعة.
لكن اللي محدش واخد باله منه وبعيداً عن صحة القصة دي من إنها إشاعة .. وبعيداً عن كورة القدم والدوري وأي حاجة .. الحركة دي في غاية الحقارة والعنصرية المقرفة ، فكرة إنك شايف إنه الراجل "عامل النضافة" دة إسلوب من أساليب الإهانة ، دة في حد ذاته شئ حقير .. إنت بتتعامل مع عامل النظافة دة إنه شئ معفن وزبالة ، وعشان أروح أهين حد ، أبعت "الشئ" الحقير دة بالدرع للنادي المُنافس شئ في مقزز.


فكرة التحقير من شخص ومن مهنته وإستخدامه كإفيه عشان تعمل حركة إعلامية دة شئ مُقزز .. يعني لو كان الأهلي حب يعمل حركة شياكة ، كان طبعاً بعت حد من الإدراة لابس بدلة ماركة ويكون بيلمع ومسرح شعره وياحبذا لو كان بيتكلم لغتين ، عشان طبعاً دة شخص "نضيف" يبقي بالتبعية إحنا بعتنا الدرع بطريقة "نضيفة" ، بس لما ظهرت الصورة إن عامل النضافة هو اللي شايل الدرع ، تحول الأمر لنكته.
للأسف هذا الأمر  لاقي رواج إعلامي لذيذ والدنيا مشيت وهتمشي بعده عادي، لكن فعلاً دة بيؤكد مستوي العنصرية اللي المجتمع دة وصل ليها.
بس ياريت متنسوش إن غالبية الشعب اللي بيشجع النوادي دي من مستوي الشخص "الإفيه" اللي إنتوا عملتوا منه نكتة.
عامل النظافة مش مسبة ، مهنة الناس مش نُكته ، مستوي البشر الإجتماعي مش إفيه


  • تعليقات الموقع
  • تعليقات الفيس بوك
Item Reviewed: النادي الاهلي يرسل درع الدوري العام الى الزمالك مع عامل نظافة ! Description: بالصور النادي الاهلي المصري يرسل درع الدوري العام الى الزمالك مع عامل نظافة ,الاهلي,الزمالك,الدوري,الدرع,عامل نظافة Rating: 5 Reviewed By: Eslam Hwda
Scroll to Top