ريهام سعيد وسقطة مهنية في حلقة صبايا الخير وحادثة التحرش في المول - تفانيش ريهام سعيد وسقطة مهنية في حلقة صبايا الخير وحادثة التحرش في المول - تفانيش

728x90 AdSpace

أخر الأخبار

الأربعاء، 28 أكتوبر، 2015

ريهام سعيد وسقطة مهنية في حلقة صبايا الخير وحادثة التحرش في المول

ريهام سعيد وسقطة مهنية في حلقة صبايا الخير وحادثة التحرش في المول
‏ريهام سعيد‬ امبارح تعليقا على حادثة التحرش اللى فى المول .. اللى هى باختصار
( بنت فى الحريه مول ولد اتحرش بيها لفظيا فا جات ترد عليه و تدافع عن نفسها فا الولد ضربها بالاقلام على وشها و شتمها .. و لما حاولت تعمل محضر و تاخد حقها محدش قبل انه يشهد و محدش ساعدها تجيب حقها فى القسم)

فا استاذه ريهام عملت معاها لقاء و بعدها قالت : أنا بعدها حسيت إنى مش مرتاحالها ، ازاى تمشي لابسة كات في مول كل الناس بتدخله ؟
هتقولولى انا بلبس كدا ؟
اه بس انا واحدة خريجة جامعه أمريكية و شخصية معروفة

و بعدها عملت حاجه فى منتهى القذاره و هى ( نشرت صور على الشاشه للبنت دى و هى على البحر شورت و واحد شايلها و صور تانيه خاصه جدا ماينفعش تتعرض)

و قالت : لقينا صور أتبعتت لمدير الإنتاج للبنت دى على الواتس آب " و ساعتها اتاكدت إن شكي فيها كان في محله ، ده حتى الرجل اللى ضربها لابس جينز و شكله شيك .. افتكر اللى تتصور كدا عادى أن أى حد يتحرش بيها الدنيا متهدتش !!
لموا بناتكم و بطلوا تلوموا المتحرشين (طبعا حاجه غريبه جدا ان صور خاصه زى دى تكون مع حد و الحد ده يعرف يجيب رقم مدير الانتاج و يبعتله الصور .. مش منطقيه)

... المهم ان البنت اللى فى الفيديو دى صاحبة واحده صاحبتى Marwa و اللى عرفته منها .. ان البنت لما دخلت تصور فى البرنامج طلبت منهم شاحن عشان موبايلها هايفصل و سابت الموبايل معاهم بيتشحن .. و اللى عملوه من وراها و هى بتصور ( خدو الصور كلها و نزلوها من موبايلها لعندهم و نشروها)

.. اللى عايزين نعرفه بقا ايه علاقة اللبس بالاحترام
و هل مامتك و خالتك اللى بتقولى انهم محجبات و ربنا هديهم .. ماعلموكيش ان حرام تشهرى بواحده و تفضحيها؟
مين اداكى الحق انك تنشرى صور خاصه لواحده؟؟؟
هل انتى فى منتهى الاحترام انك تحاكمى غيرك؟؟
ازاى انتى لحد دلوقتى ماتتحسبيش على اللى بتعمليه و على التعدى على خصوصيات غيرك؟؟
ايه علاقة تصرفات البنت بان واحد يسمح لنفسه يتحرش بواحده .. ما اللى زيك هو اللى بيشجع المتحرشين انهم يستمرو و يكملو بكل بجاحه للى هما فيه

و اخيرا .. هلى صورك دى معناها انك مش محترمه ؟؟ ولا معناها ان مسموح ان واحد يتحرش بيكى ؟؟ ولا معناها انك انتى كمان ملقتيش حد يلمك ؟؟

اسئله مهمه محتاجينك تجاوبى عليها .. انتى اساسا محتاجه حد يعلمك يعنى ايه عدم التعدى على حرية الغير .. و يفهمك ان تصرفات الانسان الشخصيه ( ايا كانت تدخين او لبس او... او... ) ملهمش اى علاقه باحترامه و باخلاقه ولا يدى اى حد حق انه يتحرش .. محتاجه حد يعلمك يعنى ايه اعلام .. او الاهم يعلمك يعنى ايه احترام و مراعاة ضمير


  • تعليقات الموقع
  • تعليقات الفيس بوك

0 comments:

Item Reviewed: ريهام سعيد وسقطة مهنية في حلقة صبايا الخير وحادثة التحرش في المول Description: ريهام سعيد‬ امبارح تعليقا على حادثة التحرش اللى فى المول .. اللى هى باختصار ( بنت فى الحريه مول ولد اتحرش بيها لفظيا فا جات ترد عليه و تدافع عن نفسها فا الولد ضربها بالاقلام على وشها و شتمها .. و لما حاولت تعمل محضر و تاخد حقها محدش قبل انه يشهد و محدش ساعدها تجيب حقها فى القسم) Rating: 5 Reviewed By: Eslam Hwda
Scroll to Top