اهم اخبار الفوركس اليوم الجمعة 26-2-2016 - تفانيش اهم اخبار الفوركس اليوم الجمعة 26-2-2016 - تفانيش

728x90 AdSpace

أخر الأخبار

الجمعة، 26 فبراير، 2016

اهم اخبار الفوركس اليوم الجمعة 26-2-2016

اهم اخبار الفوركس اليوم الجمعة 26-2-2016
اهم اخبار الفوركس اليوم الجمعة 26-2-2016
الأخبار المهمة لليوم هما حدث و خبر ولهم تاثير كبير على سوق تداول العملات الفوركس

الحدث : إجتماع مجموعة العشرين G-20 ( و دى مجموعة الدول التى تمثل ثلث تجارة العالم و 90% من اإنتاج المحلى للعالم ) و تصريحاتهم مهمة جدا و بتأثر على السوق تأثير مباشر .. و هى بتهتم بالإقتصاد العالمى ككل و أزمات الاقتصاد و ليس دولة بعينها .

و الخبر : الناتج الإجمالى المحلى ( ربع سنوى ) لأمريكا .. GDP , و دا تأثيره مباشر على الدولار الامريكى و هيكون الساعه 3.30 عصرا بتوقيت القاهره و هنتابعه .
نايتندو ( الشركة المصنعة لأجهزة الألعاب )
دى شركة يابانية , اعلنت اليوم انها بتتوقع أن ارباحها تنخفض 50% الربع الحالى من عام 2016 , و السبب الين اليابانى Jpy

طيب دا مثال بسيط جدا على ان الين اليابانى القوى و المرتفع يؤثر سلبيا على لإقتصاد الشركات اليابانية و بيؤثر سلبيا على عائد الصادرات
كيف ؟
ببساطة شديدة لو انا شخص عايش فى اوروبا مثلا ( مستهلك ) و روحت اى متجر ألعاب و عجبنى جهاز ألعاب نايتندو و لقيت سعره مثلا 300 يورو , و لما دورت شوية فى نفس المتجر لقيت جهاز ألعاب أمريكى بنفس مواصفات جهاز نياتندو لكن سعره 250 يورو فقط ,, يبقى انا بالتأكيد هشترى الجهاز الامريكى لانه نفس المواصفات و هيوفر ليا 50 يورو ..
طيب ايه ال جعل الجهاز الامريكى أرخص ؟
ان الين لما كان قوى خلى شركة نايتندو تتكلف أكتر فى تصنيع الجهاز و شحنه و تصديره الى اوروبا بالتالى رفعت التكلفة على المستهلك , على عكس أمريكا ال الدولار بتاعها حاليا منخفض كتير امام الين بالتالى هيكون تكلفة تصنيعه على الأقل فى نفس السعر او أقل و بالتالى بيجعل تنافسية المنتجات الامريكية فى الأسواق أعلى .
و دا مثال بسيط على ان طول ما الين اليابانى قوى و مرتفع هينعكسس بالضرر على الصادرات اليابانية و بالتالى الإقتصاد اليابانى و معدل التضخم فى اليابان .. علشان كدا البنك المركزى اليابانى بيلجأ احيانا انه يتدخل فى الأسواق بخفض قيمة الين JPY  لتحفيز الإقتصاد .
اخبار الفوركس تقدم لكم يوميا من تفانيش تحليلات يومية لسوق العملات forex


  • تعليقات الموقع
  • تعليقات الفيس بوك
Item Reviewed: اهم اخبار الفوركس اليوم الجمعة 26-2-2016 Description: اهم اخبار الفوركس اليوم الجمعة 26-2-2016 الأخبار المهمة لليوم هما حدث و خبر ولهم تاثير كبير على سوق تداول العملات الفوركس Rating: 5 Reviewed By: Eslam Hwda
Scroll to Top